கேரள கஞ்சாவுடன் சென்றவர் விடுவிப்பு

திருகோணமலை - மொறவெவ பிரதேசத்தில், முச்சக்கரவண்டியில் கேரள கஞ்சாக் கட்டொன்றை கொண்டு சென்ற 17 வயதுடைய​ பிக்கு ஒருவர், மொறவெவ பொலிஸாரால் இன்று (06) காலை கைதுசெய்யப்பட்டு, பின்னர் விடுவிக்கப்பட்டார்.
ஹொரவபொத்தானை முச்சக்கரவண்டி தரிப்பிடத்தில் இருந்த முச்சக்கரவண்டி ஒன்றை வாடகைக்கு எடுத்துப் பயணித்துக்கொண்டிருந்த போது, சோதனை நடவடிக்கையில் ஈடுபட்​டிருந்த பொலிஸார்,முச்சக்கரவண்டியை நிறுத்திச் சோதனையிட்ட போது, குறித்த பிக்குவிடம் இருந்து கஞ்சா கைப்பற்றப்பட்டது.
இதையடுத்து, அவர் கைதுசெய்யப்பட்டு பொலிஸ் நிலையத்துக்கு அழைத்துச் சென்று, அங்கு அவரின் சிரேஷ்ட பௌத்த பிக்குவை வரவழைத்து, எச்சரிக்கை செய்யப்பட்டு விடுவிக்கப்பட்டார்