கைகலப்பில் ஈடுபட்ட இருவருக்கு விளக்கமறியல்

எப்.முபாரக்

திருகோணமலை, கந்தளாய் பிரதேசத்தில் இரண்டு குழுக்களுக்கிடையிலான கைகலப்பின் போது, காயங்களை ஏற்படுத்திய இருவரை, இம்மாதம் 26ஆம் திகதி வரை விளக்கமறியலில் வைக்குமாறு, கந்தளாய் நீதிமன்ற நீதவான் துசித்த தம்மிக்க, நேற்றுச் செவ்வாய்கிழமை (16) உத்தரவிட்டார்.

கந்தளாய் பிரதேசத்தைச் சேர்ந்த 23 மற்றும் 25 வயதுடைய இருவரே விளக்கமறியலில் வைக்கப்பட்டுள்ளனர்.
இருவருக்கிடையிலான காதல் பிரச்சினைகள் காரணமாக, இரு குழுவினர் மோதலில் ஈடுபட்டுள்ளதாகவும் அச் சம்பவம் தொடர்பிலிலேயே இருவரையும் கைதுசெய்ததாக பொலிஸார் தெரிவித்தனர்.

சந்தேகநபர்களை திங்கட்கிழமை (15) கைது செய்ததாக தெரிவித்த பொலிஸார், விசாரணைகளின் பின்னர் கந்தளாய் நீதிமன்ற நீதவான் முன்னிலையில் ஆஜர்படுத்திய போதே நீதவான் மேற்கண்டவாறு உத்தரவிட்டார்.