குச்சவெளியில் வெடிபொருட்கள் மீட்பு

குச்சவெளியில் நீலபனிக்கன்ராய் வாவி பிரதேசத்தில் வெடிபொருட்கள் மீட்கப்பட்டுள்ளதாக தெரிவிக்கப்படுகின்றது.

நீலபனிக்கன்ராய் வாவி பிரதேசத்திலிருந்து குறித்த வெடி பொருட்களை புல்மோட்டை பொலிஸ் விசேட படையணி முகாம் அதிகாரிகள் மீட்டுள்ளனர்.

விசேட படையணி முகாம் அதிகாரிகளுக்கு கிடைத்த தகவலின் அடிப்படையிலேயே குறித்த வெடிபொருட்கள் மீட்கப்பட்டுள்ளதாக பொலிஸார் குறிப்பிட்டுள்னர்.

இதன்படி, 60 மில்லிமீற்றர் வகையான 4 மோட்டார் குண்டுகள், 89 மில்லிமீற்றர் வகையான 11 அருள் குண்டுகள் மீட்கப்பட்டுள்ளதாக தெரிவிக்கப்படுகிறது.

இவ்வாறு மீட்கப்பட்ட வெடி பொருட்கள் குச்சவெளி பொலிஸ் நிலையத்தில் ஒப்படைக்கப்பட்டதுடன், மேலதிக விசாரணைகள் பொலிஸாரால் முன்னெடுக்கப்பட்டுள்ளமை குறிப்பிடத்தக்கது.