டிப்பர் மோதி பெண் படுகாயம்

கிண்ணியா - தம்பலகாமம் பிரதான வீதியில்  டிப்பர் மோதியதில் பெண்ணொருவர் படுகாயமடைந்த நிலையில், கிண்ணியா தள வைத்தியசாலையில் அனுமதிக்கப்பட்டுள்ளார்.

இச்சம்பவம், முனைச்சேனை பெற்றோல் விநியோக நிலையத்துக்கு அருகாமையில் நேற்று முன்தினம் (07) மாலை இடம்பெற்றுள்ளது.

மோட்டார் சைக்கிளில் சென்று கொண்டிருந்த கணவன், மனைவியின் பின்னால் வந்த டிப்பர் மோதியதிலேயே இவ்விபத்துச் சம்பவித்துள்ளது.         

விபத்தில், மோட்டார் சைக்கிளில் பின் ஆசனத்தில் அமர்ந்து சென்ற மனைவியே படுகாயமடைந்துள்ளார் எனவும் டிப்பர் சாரதி தப்பிச் சென்றுள்ளார் என்றும் பொலிஸார் தெரிவித்தனர்.