தாழ்நிலப் பகுதிகள் நீரில் மூழ்கின

நீண்ட வெப்பமான வானிலையின் பின்னர், திருகோணமலை மாவட்டத்தில் நேற்று (16) இரவு முதல் பெய்து வருகின்ற அடை மழை காரணமாக, தாழ் நிலப் பகுதிகள், மழை நீரில் மூழ்கியுள்ளன.

கந்தளாய், மூதூர், தோப்பூர், முள்ளிப்பொத்தானை, கிண்ணியா போன்ற பகுதிகளில் வயல் நிலங்களில் நீர் பரவிக் காணப்படுவதோடு, கந்தளாய், முள்ளிப்பொத்தானை போன்ற தாழ் நிலப்பகுதிகளில் அமைந்துள்ள வீடுகளும் கடைகளும், நீரில் மூழ்கியுள்ளதுடன், பிரதான வீதிகளிலும் நீர் நிறைந்து காணப்படுகிறது.