மூதூரில் கைக்குண்டு மீட்பு

தீஷான் அஹமட் 

மூதூர் பொலிஸ் பிரிவுக்குட்பட்ட மூதூர் 7ஆம் வட்டாரப் பகுதியிலுள்ள வெற்றுக்காணியொன்றிலிருந்து எஸ்.எப்.ஜி 87 ரக கைக்குண்டொன்று, இன்று (02)  மீட்கப்பட்டுள்ளதாக, மூதூர் பொலிஸார் தெரிவித்தனர்.

இது தொடர்பாக பொலிஸாருக்குக் கிடைக்கப்பெற்ற தகவலையடுத்து அவ்விடத்துக்குச் சென்று, நடத்திய தேடுதல் நடவடிக்கையின் போதே, மேற்படி கைக்குண்டு மீட்கப்பட்டுள்ளது.

மீட்கப்பட்ட கைக்குண்டை, திருகோணமலை விசேட அதிரடிப்படையினரின் உதவியோடு செயலிழக்கச் செய்வதற்கான நடவடிக்கையை மேற்கொண்டு வருவதாக, மூதூர் பொலிஸார் தெரிவித்தனர்.