விபத்தில் ஒருவர் படுகாயம்

தீஷான் அஹமட்

மூதூர் பொலிஸ் பிரிவுக்குட்பட்ட தோப்பூர் போட்டா சந்தியில், தனியார் பஸ் வண்டியும் மோட்டார் சைக்கிளும் மோதி விபத்துக்குள்ளானதில், மோட்டார் சைக்கிளில் பயணித்த ஒருவர் படுகாயமடைந்து, தோப்பூர் பிரதேச வைத்தியசாலையில் அனுமதிக்கப்பட்டு, மேலதிக சிகிச்சைகளுக்காக மூதூர் தள வைத்தியசாலைக்கு மாற்றப்பட்டுள்ளதாக வைத்தியசாலை தகவல்கள் தெரிவிக்கின்றன.

இன்று (28)  பிற்பகல் 1.30 மணியளவில் இடம்பெற்ற இவ்விபத்தில், தோப்பூர் அல்லைநகர் பகுதியைச் சேர்ந்த  சுல்தான் முஹம்மது றிப்கான் (31) என்பவரே படுகாயமடைந்துள்ளதாகத் தெரிவித்த மூதூர் பொலிஸார், மேலதிக விசாரணைகளை மேற்கொண்டு வருகின்றனர்.