திருகோணமலையில் இளைஞர் நாடாளுமன்ற உறுப்பினர் தெரிவு நாளை

(எஸ்.எஸ்.குமார்)

இளைஞர் நாடாளுமன்றத் தேர்தல் நாளை சனிக்கிழமை நாடுபூராவும் நடைபெறுகின்றது. திருகோணமலை மாவட்டத்தில் 11 பிரதிநிதிகளைத் தெரிவு செய்வதற்கான தேர்தலில் 43 வேட்பாளர்கள் பங்கு கொள்கின்றனர்.

பட்டணமும் சூழுலும் பிரதேச செயலகத்தில் நாளை காலை 8.00 மணிக்கு முதலாவது வாக்களிப்பு நடைபெறும். இதுபோன்று ஒவ்வொரு பிரதேச செயலகத்திலும் பிரதேச செயலாளர் முன்னிலையில் வாக்குப் பதிவுகள் மேற்கொள்ளப்படும். மாலை 4.00 மணிவரை வாக்களிப்பு நடைபெறும். மாலை 5.00 மணிக்கு வாக்குகள் எண்ணப்பட்டு முடிவுகள் அறிவிக்கப்படவுள்ளமை குறிப்பிடத்தக்கது.