மணற்காடு சவுக்கு காட்டில் தீ...

வடமராட்சி, மணற்காடு பிரதேசத்தில் அமைந்துள்ள சவுக்குக் காட்டில் இன்று செவ்வாய்க்கிழமை (15) காலை தீ பரவியுள்ளதாக பருத்தித்துறை பொலிஸார் தெரிவித்தனர்.

பொலிஸார், இராணுவத்தினர் மற்றும் பொதுமக்கள் இணைந்து தீயை அணைத்து வருகின்றனர்.

அப்பகுதிக்குச் சென்ற சுற்றுலாப் பயணிகளின் அசமந்தப்போக்கே தீ பரவக்காரணம் என்று முதற்கட்ட விசாரணைகளில் தெரியவந்ததாக பொலிஸார் தெரிவித்தனர்.

இந்தத் தீயால் பெருமளவு சவுக்கு மரங்கள் எரிந்துள்ளதாகவும் பொலிஸார் கூறினர். (படப்பிடிப்பு: எம்.றொசாந்த்)