முன்பக்க விளக்குகளை ஒளிரவிடவும்…

நுவரெலியா பிரதேசத்தில் வியாழக்கிழமை (02) காலை முதல் கடும் உறைபனி காரணமாக வாகன போக்குவரத்து தடைப்பட்டுள்ளது.

ஹட்டன்- நுவரெலியா பிரதான வீதியில் ரதெல்ல முதல் நானுஓயா வரையிலும், கம்பளை- நுவரெலியா பிரதான வீதியில் ரம்பொடயிலிருந்து நுவரெலியா வரையிலும் கடும் பனிப்பொழிவு நிலவுவதால், முன்பக்க விளக்குகளை ஒளிரவிட்டு கவனமாக வாகனத்தை செலுத்துமாறு பொலிஸார் கேட்டுக்கொண்டுள்ளனர்.

நுவரெலியா மாவட்டத்தில் சீரற்ற காலநிலை நிலவுவதுடன், அப்பிரதேசம் முழுவதும் கடுமையான காலநிலை ஏற்பட்டுள்ளது.

(ரஞ்சித் ராஜபக்ஷ)