ரதாலையில் விபத்து...

-ரஞ்சித் ராஜபக்ஷ, எஸ்.சதீஷ், கு.புஷ்பராஜா

நுவரெலியாவிலிருந்து கொழும்பு நோக்கி, எரிவாயு சிலிண்டர்களை கொண்டுசென்ற லொறி, ரதாலையில் நேற்று மாலை விபத்துக்குள்ளானதில் இருவர் காயமடைந்து நுவரெலியா மாவட்ட வைத்தியசாலையில் அனுமதிக்கப்பட்டுள்ளனர்.

இவ்விபத்தில் சாரதியும் மற்றுமொருவருமே படுகாயமடைந்துள்ளனர்.

லொறியின் வேகத்தை கட்டுப்படுத்த முடியாததன் காரணமாகவே இவ்விபத்து நேர்ந்துள்ளதாக நானுஓயா பொலிஸார் தெரிவித்தனர்.

மேற்படி லொறியில் வாயுநிரப்பப்படாத சிலிண்டர்களே கொண்டு செல்லப்பட்டுள்ளதாக விசாரணைகளின்போது தெரியவந்துள்ளது.

 விபத்து தொடர்பான மேலதிக விசாரணைகளை நானுஓயா பொலிஸார் மேற்கொண்டு வருகின்றனர்.