இங்கிலாந்து பிறீமியர் லீக்: வில்லாவிடம் தோற்ற ஆர்சனல்

இங்கிலாந்து பிறீமியர் லீக் தொடரில், அஸ்தன் வில்லாவின் மைதானத்தில் நடைபெற்ற அவ்வணியுடனான போட்டியில் 1-2 என்ற கோல் கணக்கில் ஆர்சனல் தோற்றது.

ஆர்சனல் சார்பாகப் பெறப்பட்ட கோலை லியான்ட்ரோ ட்ரொஸார்ட் பெற்றிருந்தார். வில்லா சார்பாக மற்றி காஷ், எமி ப்யென்டியா ஆகியோர் தலா ஒவ்வொரு கோலைப் பெற்றனர்.

இந்நிலையில் லீட்ஸ் யுனைட்டெட்டின் மைதானத்தில் நடைபெற்ற அவ்வணிக்கும், நடப்புச் சம்பியன்களான லிவர்பூலுக்குமிடையிலான போட்டியானது 3-3 என்ற கோல் கணக்கில் சமநிலையில் முடிவடைந்தது. லிவர்பூல் சார்பாக ஹியூகோ எகிடிகே இரண்டு கோல்களையும், டொமினிக் ஸபொஸ்லாய் ஒரு கோலைப் பெற்றனர். லீட்ஸ் சார்பாக டொமினிக் கல்வேர்ட்-லூயின், அன்டன் ஸ்டாஷ், ஓ தனக ஆகியோர் தலா ஒவ்வொரு கோலைப் பெற்றனர்.

இதேவேளை போர்ண்மெத்தின் மைதானத்தில் நடைபெற்ற அவ்வணிக்கும் செல்சிக்குமிடையிலான போட்டியானது 0-0 என்ற கோ கணக்கில் சமநிலையில் முடிவடைந்தது.