இங்கிலாந்தை சுருட்டி போல்டால் நியூசிலாந்து ஆதிக்கம்

நியூசிலாந்து, இங்கிலாந்து அணிகளுக்கிடையிலான இரண்டு போட்டிகள் கொண்ட டெஸ்ட் தொடரில், ஒக்லன்டில் இன்று ஆரம்பித்த முதலாவது டெஸ்டில் ட்ரெண்ட் போல்ட், டிம் செளதி, கேன் வில்லியம்சனால் நியூசிலாந்து அணி ஆதிக்கம் செலுத்துகிறது.

இப்போட்டியில் முதலில் துடுப்பெடுத்தாடக் களமிறங்கிய இங்கிலாந்து, தமது முதலாவது இனிங்ஸில் சகல விக்கெட்டுகளையும் இழந்து 58 ஓட்டங்களைப் பெற்றது. பந்துவீச்சில், ட்ரெண்ட் போல்ட் 6, டிம் செளதி 4 விக்கெட்டுகளைக் கைப்பற்றினர்.

பதிலுக்கு, தமது முதலாவது இனிங்ஸில் துடுப்பெடுத்தாடி வரும் நியூசிலாந்து இன்றைய முதல் நாள் ஆட்டநேர முடிவில், 3 விக்கெட்டுகளை இழந்து 175 ஓட்டங்களைப் பெற்று இங்கிலாந்தின் முதலாவது இனிங்ஸ் ஓட்ட எண்ணிக்கையை விட 117 ஓட்டங்கள் முன்னிலை பெற்றுள்ளது.

தற்போது களத்தில், கேன் வில்லியம்சன் 91 ஓட்டங்களுடனும் ஹென்றி நிக்கொல்ஸ் 24 ஓட்டங்களுடனும் ஆட்டமிழக்காமுலுள்ளனர். முன்னதாக, டொம் லேதம் 26, றொஸ் டெய்லர் 20 ஓட்டங்களுடன் ஆட்டமிழந்தனர். பந்துவீச்சில், ஜேம்ஸ் அன்டர்சன் 2, ஸ்டூவர்ட் ப்ரோட் ஒரு விக்கெட்டைக் கைப்பற்றினர்.