இலங்கை எதிர் பங்களாதேஷ்: இன்று இரண்டாவது டெஸ்ட்

இலங்கை, பங்களாதேஷ் அணிகளுக்கு இடையிலான இரண்டு போட்டிகள் கொண்ட டெஸ்ட் தொடரின் இரண்டாவது போட்டியானது இன்று காலை 9.30 மணிக்கு ஆரம்பிக்கவுள்ளது.

முதலாவது போட்டியானது வெற்றி தோல்வியின்றி முடிவடைந்த நிலையில் இப்போட்டியானது முக்கியத்துவம் பெறுகையில் ஆடுகளமானது சுழற்பந்துவீச்சுக்கு சாதகமானதாக இருக்கும் எனத் தெரிகிறது.

போட்டியின் முதலிரண்டு நாள்களிலும் மழைக்கான வாய்ப்பு இருக்கும் என்ற போதிலும் இப்போட்டியில் முடிவு கிடைக்கப்படும் என எதிர்பார்க்கப்படுகிறது.

முதலாவது போட்டியில் இலங்கையணியின் சுழற்பந்துவீச்சாளர்களான ரமேஷ் மென்டிஸ், லசித் எம்புல்தெனிய ஆகியோர் சோபித்திருக்காத நிலையில், இலங்கையணியில் கசுன் ராஜிதவை பிரவீன் ஜெயவிக்கிரம பிரதியிடுவார் என எதிர்பார்க்கப்படுகிறது.

மறுப்பக்கமாக பங்களாதேஷில் காயமடைந்த நயீம் ஹஸன், ஷொரிஃபுல் இஸ்லாம் ஆகியோர் மொஷாடெக் ஹொஸைன், எபொடொட் ஹொஸைன் ஆகியோரால் பிரதியிடப்படுவர் எனத் தெரிகிறது.