இ – 20 உலகக் கிண்ணம்: அவுஸ்திரேலியாவுக்கு வெற்றியிலக்கு 170 ஓட்டங்கள்

சர்வதேச கிரிக்கெட் சபையின் இருபதுக்கு – 20 உலகக் கிண்ணத் தொடரில், கொழும்பு ஆர் பிரேமதாஸ மைதானத்தில் தற்போது நடைபெற்று வரும் சிம்பாப்வேக்கெதிரான குழு பி போட்டியில் அவுஸ்திரேலியா வெற்றி பெறுவதற்கு 170 ஓட்டங்களைப் பெற வேண்டியுள்ளது.

இப்போட்டியில் முதலில் துடுப்பெடுத்தாடப் பணிக்கப்பட்ட சிம்பாப்வே, பிரயன் பென்னிட்டின் ஆட்டமிழக்காத 64 (56), தடிவனஷே மருமனியின் 35 (21), றயான் பேர்ளின் 35 (30), அணித்தலைவர் சிகண்டர் ராசாவின் ஆட்டமிழக்காத 25 (13) ஓட்டங்களோடு 20 ஓவர்களில் 2 விக்கெட்டுகளை இழந்து 169 ஓட்டங்களைப் பெற்றது. பந்துவீச்சில் கமரன் கிறீன் 1.1-0-6-1, மார்க்கஸ் ஸ்டொய்னிஸ் 2.5 -0-17-1, அடம் ஸாம்பா 4-0-31-0, மத்தியூ கூனுமென் 3-0-24-0 என்ற பெறுதிகளைக் கொண்டிருந்தனர்.