ஐ. அமெரிக்க பகிரங்கத் தொடரில் வீனஸ்

ஐக்கிய அமெரிக்க பகிரங்க டென்னிஸ் தொடரின் தனிநபர்ப் போட்டிகளில் 44 ஆண்டுகளில் பங்கேற்கும் மிகவும் வயதானவராக அந்நாட்டின் வீனஸ் வில்லியம்ஸ் மாறவுள்ளார்.

ஏழு தடவைகள் கிரான்ட் ஸ்லாம் சம்பியனான வீனஸ் ஜூலை மாதத்தில் போட்டிகளுக்குத் திரும்பியிருந்தார்.

ஐ. அமெரிக்க பகிரங்கத் தொடரில் 1981ஆம் ஆண்டு 47 வயதான றெனி றிச்சர்ட்ஸ் பங்கேற்றதைத் தொடர்ந்து தொடரில் பங்கேற்கும் வயதானவராக வீனஸ் மாறவுள்ளார்.

இறுதியாக 2023ஆம் ஆண்டு ஐ. அமெரிக்க பகிரங்க டென்னிஸ் தொடரில் வீனஸ் பங்கேற்றிருந்தார்.

இதேவேளை கலப்பு இரட்டையர் பிரிவில் சக ஐ. அமெரிக்கரான றெய்ல்லி ஒபெல்காவுடன் ஐ. அமெரிக்க பகிரங்கத் தொடரில் வீனஸ் பங்கேற்கவுள்ளார்.