ஐ.பி.எல்: அதிக ஓட்டங்களைப் பெற்றவராக கோலி

இந்தியன் பிறீமியர் லீக்கின் (ஐ.பி.எல்) இவ்வாண்டுத் தொடரில் அதிக ஓட்டங்களை றோயல் சலஞ்சர்ஸ் பெங்களூருவின் விராட் கோலி பெற்றுள்ளார்.

கோலி, 15 போட்டிகளில் விளையாடி 100 பந்துகளில் 154.69 ஓட்டங்கள் என்ற வேகத்தில் 741 ஓட்டங்களைக் குவித்திருந்தார்.

இரண்டாமிடத்தில் 100 பந்துகளில் 141.16 ஓட்டங்கள் என்ற வேகத்தில் 14 போட்டிகளில் 583 ஓட்டங்களை சென்னை சுப்பர் கிங்ஸின் அணித்தலைவர் ருத்துராஜ் கைகவாட் பெற்றதோடு, 16 போட்டிகளில் 100 பந்துகளுக்கு 149.21 ஓட்டங்கள் என்ற வேகத்தில் 573 ஓட்டங்களைப் பெற்ற ராஜஸ்தான் றோயல்ஸின் ரியான் பராக் மூன்றாமிடத்தில் காணப்படுகிறார்.