ஐ.பி.எல்: ராஜஸ்தானை வென்ற டெல்லி

இந்தியன் பிறீமியர் லீக்கில் (ஐ.பி.எல்), டெல்லியில் நேற்றிரவு நடைபெற்ற ராஜஸ்தான் றோயல்ஸுடனான போட்டியில் டெல்லி கப்பிட்டல்ஸ் வென்றது.

இப்போட்டியின் நாணயச் சுழற்சியில் வென்ற ராஜஸ்தானின் அணித்தலைவர் சஞ்சு சாம்சன், தமதணி முதலில் களத்தடுப்பிலீடுபடும் என அறிவித்தார்.

அந்தவகையில் ஜேக் பிறேஸர்-மக்குர்க்கின் 50 (20) ஓட்டங்களின் மூலம் அதிரடியான ஆரம்பத்தைப் பெற்ற டெல்லி, இரவிச்சந்திரன் அஷ்வினிடம் இழந்ததோடு அடுத்து வந்த ஷே ஹோப்பும் அடுத்த ஓவரிலேயே ரண் அவுட்டானார்.

பின்னர் அபிஷேக் பொரேல் அதிரடியாக ஓட்டங்களைப் பெற்ற நிலையில் அஷ்வினிடம் அக்ஸர் வீழ்ந்ததோடு, 65 (36) ஓட்டங்களுடன் பொரேலும் அஷ்வினிடம் வீழ்ந்தார். அடுத்து வந்த அணித்தலைவர் றிஷப் பண்ட் யுஸ்வேந்திர சஹாலிடம் வீழ்ந்தபோதும் ட்ரிஸ்டான் ஸ்டப்ஸின் அதிரடியான 41 (20) ஓட்டங்களுடன் 20 ஓவர்களில் 8 விக்கெட்டுகளை இழந்து 221 ஓட்டங்களை டெல்லி பெற்றது.

பதிலுக்கு 222 ஓட்டங்களை வெற்றியிலக்காகக் கொண்டு துடுப்பெடுத்தாடிய ராஜஸ்தான், ஆரம்பத்திலேயே கலீல் அஹ்மட்டிடம் யஷஸ்வி ஜைஸ்வாலை இழந்தது. அடுத்து வந்த சாம்சன் அதிரடியாகத் துடுப்பெடுத்தாடிய நிலையில், சஹலுக்குப் பதிலாக தாக்கம் செலுத்தும் மாற்றுவீரராகக் களமிறங்கிய ஜொஸ் பட்லர் அக்ஸரிடம் வீழ்ந்தார். தொடர்ந்து வந்த ரியான் பராக் 27 (22) ஓட்டங்களுடன் பொரேலுக்குப் பதிலாக மாற்றுவீரராகக் களமிறங்கிய ரசிக் சலாமிடம் வீழ்ந்தார்.

பின்னர் அடுத்தடுத்த ஓவர்களில் சாம்சன் 86 (46), ஷுபம் டுபே 25 (12) ஓட்டங்களோடு முகேஷ் குமார், கலீல் அஹ்மட்டிடம் வீழ்ந்தனர். அடுத்து வந்த டொனோவன் பெரைரா, இரவிச்சந்திரன் அஷ்வின் ஆகியோர் குல்தீப் யாதவ்விடம் வீழ்ந்ததோடு, றொவ்மன் பவல் முகேஷ் குமாரிடம் விழ 20 ஓவர்களில் 8 விக்கெட்டுகளை இழந்து 201 ஓட்டங்களையே பெற்ற ராஜஸ்தான் 201 ஓட்டங்களைப் பெற்றது.

இப்போட்டியின் நாயகனாக குல்தீப் தெரிவானார்.