சமநிலையில் சிலி – பொலிவியா போட்டி

அடுத்தாண்டு நடைபெறவுள்ள சர்வதேச கால்பந்தாட்டச் சம்மேளன உலகக் கிண்ணத் தொடருக்கான தகுதிகாண் போட்டிகளில், சிலியில் இன்று காலை நடைபெற்ற அவ்வணிக்கும், பொலிவியாவுக்குமிடையிலான போட்டி, 1-1 என்ற கோல் கணக்கில் சமநிலையில் முடிவடைந்தது.

சிலி சார்பாகப் பெறப்பட்ட கோலை எரிக் புல்கர் பெற்றதோடு, பொலிவியா சார்பாகப் பெறப்பட்ட கோலை மார்செலோ மொரேனோ பெற்றிருந்தார்.

இதேவேளை, வெனிசுவேலாவில் நடைபெற்ற அவ்வணிக்கும், உருகுவேக்குமிடையிலான போட்டியானது 0-0 என்ற கோல் கணக்கில் சமநிலையில் முடிவடைந்தது.

இந்நிலையில், கொலம்பியாவில் நடைபெற்ற அவ்வணிக்கும், ஆர்ஜென்டீனாவுக்குமிடையிலான போட்டியானது, 2-2 என்ற கோல் கணக்கில் சமநிலையில் முடிவடைந்தது. ஆர்ஜென்டீனா சார்பாக, கிறிஸ்டியன் றொமேறோ, லியன்ட்ரோ பரெடெஸ் ஆகியோர் தலா ஒவ்வொரு கோலைப் பெற்றனர். கொலம்பியா சார்பாக, லூயிஸ் முரியெல், மிகேல் பொர்ஜா ஆகியோர் தலா ஒவ்வொரு கோலைப் பெற்றனர்.