சமநிலையில் ஆர்சனல் – வெஸ்ட் ஹாம் போட்டி

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், வெஸ்ட் ஹாம் யுனைட்டெட்டின் மைதானத்தில் நேற்று நடைபெற்ற அவ்வணியுடனான போட்டியை 2-2 என்ற கோல் கணக்கில் ஆர்சனல் சமப்படுத்தியது.

ஆர்சனல் சார்பாக, கப்ரியல் ஜெஸூஸ், மார்டின் ஒடெகார்ட் ஆகியோர் தலா ஒவ்வொரு கோலைப் பெற்றதோடு, வெஸ்ட் ஹாம் யுனைட்டெட் சார்பாக சைட் பென்ரஹ்மா, ஜரோட் பெளவன் ஆகியோர் தலா ஒவ்வொரு கோலைப் பெற்றனர்.

பிறீமியர் லீக் புள்ளிகள் பட்டியலில் 74 புள்ளிகளுடன் முதலாமிடத்தில் ஆர்சனல் உள்ளது. இரண்டாமிடத்தில் நடப்புச் சம்பியன்களான மன்செஸ்டர் சிற்றி 70 புள்ளிகளுடன் இரண்டாமிடத்திலும், 59 புள்ளிகளுடன் மூன்றாமிடத்தில் மன்செஸ்டர் யுனைட்டெட்டும், 56 புள்ளிகளுடன் நான்காமிடத்தில் நியூகாசில் யுனைட்டெட்டும் காணப்படுகின்றன.