சமநிலையில் சிற்றி – பலஸ் போட்டி

இங்கிலாந்து கால்பந்தாட்டக் கழகங்களுக்கு இடையிலான பிறீமியர் லீக் தொடரில், கிறிஸ்டல் பலஸின் மைதானத்தில் நேற்று அதிகாலை நடைபெற்ற அவ்வணிக்கும், நடப்புச் சம்பியன்கள் மன்செஸ்டர் சிற்றிக்கும் இடையிலான போட்டியானது 0-0 என்ற கோல் கணக்கில் சமநிலையில் முடிவடைந்தது.

அந்தவகையில், பிறீமியர் லீக் புள்ளிகள் பட்டியலில் 70 புள்ளிகளுடன் முதலாமிடத்தில் சிற்றி காணப்படுகின்றது. ஒரு போட்டி குறைவாக விளையாடியுள்ள லிவர்பூலும், செல்சியும் முறையே 66, 59 புள்ளிகளுடன் இரண்டாம், மூன்றாமிடங்களிலுள்ளன. மூன்று போட்டிகள் குறைவாக விளையுள்ள ஆர்சனல், 51 புள்ளிகளுடன் நான்காமிடத்தில் உள்ளது.