சமநிலையில் ஜுவென்டஸ் – லேஸியோ போட்டி

இத்தாலியக் கால்பந்தாட்டக் கழகங்களுக்கிடையிலான சீரி ஏ தொடரில், லேஸியோவின் மைதானத்தில் சனிக்கிழமை (10) நடைபெற்ற அவ்வணியுடனான போட்டியை 1-1 என்ற கோல் கணக்கில் ஜுவென்டஸ் சமப்படுத்தியது.

ஜுவென்டஸ் சார்பாகப் பெறப்பட்ட கோலை றன்டல் கொலோ முவானி பெற்றதோடு, லேஸியோ சார்பாகப் பெறப்பட்ட கோலை மதியாஸ் வெசினோ பெற்றிருந்தார்.

சீரி ஏ புள்ளிகள் பட்டியலில் 77 புள்ளிகளுடன் முதலாமிடத்தில் நாப்போலி காணப்படுகின்றது. 74 புள்ளிகளுடன் இரண்டாமிடத்தில் நடப்புச் சம்பியன்களான இன்டர் மிலனும், 68 புள்ளிகளுடன் மூன்றாமிடத்தில் அத்லாண்டாவும், 64 புள்ளிகளுடன் நான்காமிடத்தில் ஜுவென்டஸும் காணப்படுகின்றன. லேஸியோவும் 64 புள்ளிகளைப் பெற்றுள்ளபோதும் ஜுவென்டஸுடனான போட்டி முடிவுகளின் அடிப்படையில் ஐந்தாமிடத்தில் காணப்படுகின்றது. இதில் நாப்போலி, இன்டர், அத்லாண்டா ஆகியன ஒரு போட்டி குறைவாக விளையாடியுள்ளன.