சமநிலையில் ஜுவென்டஸ் – வெனிஸியா போட்டி

இத்தாலியக் கால்பந்தாட்டக் கழகங்களுக்கிடையிலான சீரி ஏ தொடரில், வெனிஸியாவின் மைதானத்தில் நேற்று முன்தினமிரவு நடைபெற்ற அவ்வணியுடனான போட்டியை 1-1 என்ற கோல் கணக்கில் ஜுவென்டஸ் சமப்படுத்தியிருந்தது.

ஜுவென்டஸ் சார்பாகப் பெறப்பட்ட கோலை அல்வரோ மொராட்டா பெற்றதோடு, வெனிஸியா சார்பாகப் பெறப்பட்ட கோலை மட்டியா அரமு பெற்றிருந்தார்.

இந்நிலையில், உடினிஸின் மைதானத்தில் நேற்று அதிகாலை நடைபெற்ற  அவ்வணியுடனான போட்டியை 1-1 என்ற கோல் கணக்கில் ஏ.சி மிலன் சமப்படுத்தியிருந்தது. மிலன் சார்பாகப் பெறப்பட்ட கோலை ஸல்டான் இப்ராஹிமோவிச் பெற்றதோடு, உடினிஸ் சார்பாகப் பெறப்பட்ட கோலை பெட்டோ பெற்றிருந்தார்.