சமநிலையில் லெவர்குசன் - சென். பெளலி போட்டி

ஜேர்மனிய கால்பந்தாட்டக் கழகங்களுக்கிடையிலான புண்டெலிஸ்கா தொடரில், சென். பெளலியின் மைதானத்தில் ஞாயிற்றுக்கிழமை (20) நடைபெற்ற அவ்வணியுடனான போட்டியை 1-1 என்ற கோல் கணக்கில் நடப்புச் சம்பியன்களான பயெர் லெவர்குசன் சமப்படுத்தியது.  

லெவர்குசன் சார்பாகப் பெறப்பட்ட கோலை பற்றிக் ஸ்சிச் பெற்றதோடு, பெளலி சார்பாகப் பெறப்பட்ட கோலை கார்லோ பூகாலிபாவும் பெற்றிருந்தனர்.  

இதேவேளை தமது மைதானத்தில் நடைபெற்ற பொரூசியா மொச்சென்கிளெட்பாவுடனான போட்டியில் 3-2 என்ற கோல் கணக்கில் பொரூசியா டொட்டமுண்ட் வென்றது.  

புண்டெலிஸ்கா புள்ளிகள் பட்டியலில் 72 புள்ளிகளுடன் முதலாமிடத்தில் பயேர்ண் மியூனிச் காணப்படுகின்றது. 64 புள்ளிகளுடன் இரண்டாமிடத்தில் லெவர்குசனும், 52 புள்ளிகளுடன் மூன்றாமிடத்தில் ஐன்ரச்ட் பிராங்ஃபேர்ட்டும், 49 புள்ளிகளுடன் நான்காமிடத்தில் ஆர்.பி லெய்ப்ஸிக்கும் காணப்படுகின்றன.