சம்பியனான ஜோக்கோவிச்

பிரெஞ்சுத் தலைநகர் பரிஸில் நடைபெற்று வந்த பிரெஞ்சுப் பகிரங்க டென்னிஸ் தொடரில், உலகின் முதல்நிலை வீரரான நொவக் ஜோக்கோவிச் சம்பியனானார்.

நேற்று  நடைபெற்ற தனது இறுதிப் போட்டியில், உலகின் தற்போதைய நான்காம் நிலை வீரரான ஸ்டெபனோஸ் சிட்டிபாஸை 6-7 (6-8), 2-6, 6-3, 6-2, 6-4 என்ற செட் கணக்கில் வென்று சேர்பியாவின் ஜோக்கோவிச் சம்பியனானார்.

தனது அரையிறுதிப் போட்டியில் உலகின் மூன்றாம் நிலை வீரரான ஸ்பெய்னின் ரஃபேல் நடாலை 3-6, 6-3, 7-6 (7-4), 6-2 என்ற செட் கணக்கில் வென்று இறுதிப் போட்டிக்கு ஜோக்கோவிச் தகுதி பெற்றிருந்தார்.

இதேவேளை, தனது அரையிறுதிப் போட்டியில் உலகின் ஆறாம் நிலை வீரரான ஜேர்மனியின் அலெக்ஸான்டர் ஸவ்ரேவ்வை, 6-3, 6-3, 4-6, 4-6, 6-3 என்ற செட் கணக்கில் வென்று இறுதிப் போட்டிக்கு சிட்டிபாஸ் தகுதி பெற்றிருந்தார்.