சுப்பர் - 4 சுற்றுக்கு இலங்கைக்கு 101 ஓட்டங்கள் தேவை

ஆசியக் கிண்ணத் தொடரின் சுப்பர் - 4 சுற்றுக்கு இலங்கை தகுதி பெறுவதற்கு ஆப்கானிஸ்தானுக்கெதிரான இன்றைய போட்டியில் 101 ஓட்டங்களை இலங்கை பெற வேண்டியுள்ளது.

இப்போட்டியில் முதலில் துடுப்பெடுத்தாடிய ஆப்கானிஸ்தான் 20 ஓவர்களில் 8 விக்கெட்டுகளை இழந்து 169 ஓட்டங்களைப் பெற்ற நிலையில், தாம் சுப்பர் 4 சுற்றுக்குத் தகுதி பெறுவதற்கு இலங்கை 101 ஓட்டங்களைப் பெற வேண்டியுள்ளது.

ஆப்கானிஸ்தான் சுப்பர் 4 சுற்றுக்குத் தகுதி பெறுவதற்கு கட்டாயம் இப்போட்டியில் வெற்றி பெற வேண்டும். ஆப்கானிஸ்தான் வென்றாலும் 101 ஓட்டங்களைப் பெற்றால் ஆப்கானிஸ்தானுடன் இலங்கையும் சுப்பர் 4 சுற்றுக்குச் செல்லும். ஆப்கானிஸ்தான் தோற்றால் இலங்கையும், பங்களாதேஷும் சுப்பர் 4 சுற்றுக்குச் செல்லும். இலங்கை 101 ஓட்டங்களைப் பெறாவிட்டால் ஆப்கானிஸ்தானும், பங்களாதேஷும் சுப்பர் 4 சுற்றுக்குச் செல்லும்.