செவிய்யாவை வென்ற அத்லெட்டிகோ

ஸ்பானியக் கால்பந்தாட்டக் கழகங்களுக்கிடையிலான லா லிகாத் தொடரில், செவிய்யாவின் மைதானத்தில் நடைபெற்ற அவ்வணியுடனான போட்டியை 2-1 என்ற கோல் கணக்கில் அத்லெட்டிகோ மட்ரிட் வென்றது.

அத்லெட்டிகோ சார்பாக ஜூலியன் அல்வரேஸ், பப்லோ பரியோஸ் ஆகியோர் தலா ஒவ்வொரு கோலைப் பெற்றதோடு, செவிய்யா சார்பாகப் பெறப்பட்ட கோலை லூசியென் அகெளமே பெற்றிருந்தார்.

லா லிகா புள்ளிகள் பட்டியலில் 67 புள்ளிகளுடன் முதலாமிடத்தில் பார்சிலோனா காணப்படுகின்றது. 63 புள்ளிகளுடன் இரண்டாமிடத்தில் நடப்புச் சம்பியன்களான றியல் மட்ரிட்டும், 60 புள்ளிகளுடன் மூன்றாமிடத்தில் அத்லெட்டிகோ மட்ரிட்டும், 53 புள்ளிகளுடன் நான்காமிடத்தில் அத்லெட்டிக் பில்பாவோவும் காணப்படுகின்றன. இதில் மற்றைய அணிகளை விட பில்பாவோ ஒரு போட்டி குறைவாக விளையாடியுள்ளது.