செவில்லாவிடம் தோற்றது அத்லெட்டிகோ மட்ரிட்

ஸ்பானியக் கால்பந்தாட்டக் கழகங்களுக்கிடையிலான லா லிகா தொடரில், செவில்லாவின் மைதானத்தில் இன்று அதிகாலை நடைபெற்ற அவ்வணியுடனான போட்டியில் 0-1 என்ற கோல் கணக்கில் அத்லெட்டிகோ மட்ரிட் தோற்றது.

செவில்லா சார்பாகப் பெறப்பட்ட கோலை மார்கோஸ் அகுனா பெற்றிருந்தார்.

இப்போட்டி முடிவில் லா லிகா புள்ளிகள் பட்டியலில், 66 புள்ளிகளுடன் முதலாமிடத்தில் அத்லெட்டிகோ மட்ரிட்டுள்ளது. 63 புள்ளிகளுடன் இரண்டாமிடத்தில் நடப்புச் சம்பியன்களான றியல் மட்ரிட்டும், 62 புள்ளிகளுடன் மூன்றாமிடத்தில் பார்சிலோனாவும், 58 புள்ளிகளுடன் நான்காமிடத்தில் செவில்லாவும் காணப்படுகின்றன. இதில், மற்றைய அணிகளை விட பார்சிலோனா ஒரு போட்டி குறைவாக விளையாடியுள்ளமை குறிப்பிடத்தக்கது.