ஜுவென்டஸிலிருந்து வெளியேறும் புபான்

இத்தாலிய சீரி ஏ கழகமான ஜுவென்டஸிலிருந்து பருவகால முடிவில் விலகவுள்ளதாக, அக்கழகத்தின் கோல் காப்பாளர் ஜல்லூயிஜி புபான் தெரிவித்துள்ளார்.

2001ஆம் ஆண்டிலிருந்து 2018ஆம் ஆண்டு வரை ஜுவென்டஸுக்காக விளையாடியிருந்த 43 வயதான புபான், பின்னர் பிரெஞ்சு லீக் 1 கழகமான பரிஸ் ஸா ஜெர்மைனுக்குச் சென்று, கடந்த 2019ஆம் ஆண்டு ஜுவென்டஸுக்கு மீளத் திரும்பியிருந்தார்.

ஜுவென்டஸுக்காக 525 போட்டிகளில் விளையாடியுள்ள புபான், 10 சீரி ஏ பட்டங்களையும், நான்கு இத்தாலியக் கிண்ணங்களையும் வென்றுள்ளார்.