ஜோக்கோவிச்சை வென்று சம்பியனான நடால்

இத்தாலியின் தலைநகர் றோமில் நடைபெற்றுவந்த இத்தாலிய பகிரங்க டென்னிஸ் தொடரில், உலகின் மூன்றாம் நிலை வீரரான ரஃபேல் நடால் சம்பியனானார்.

நேற்றிரவு நடைபெற்ற தனது இறுதிப் போட்டியில், உலகின் முதல்நிலை வீரரான சேர்பியாவின் நொவக் ஜோக்கோவிச்சை எதிர்கொண்ட ஸ்பெய்னின் ரஃபேல் நடால், 7-5, 1-6, 6-3 என்ற செட் கணக்கில் வென்று சம்பியனானார்.

இதேவேளை, பெண்களுக்கான இறுதிப் போட்டியில், உலகின் தற்போதைய 10ஆம் நிலை வீராங்கனையான செக் குடியரசின் கரோலினா பிளிஸ்கோவாவை எதிர்கொண்ட, உலகின் தற்போதைய ஒன்பதாம் நிலை வீராங்கனையான போலந்தின் இகா ஸ்வியாடெக், 6-0, 6-0 என்ற நேர் செட்களில் வென்று சம்பியனானார்.