டொட்டென்ஹாமை வென்று காலிறுதியில் எவெர்ற்றன்

இங்கிலாந்து கால்பந்தாட்டச் சங்க (எஃப்.ஏ) சவால் கிண்ணத் தொடரின் காலிறுதிப் போட்டிக்கு எவெர்ற்றன் தகுதிபெற்றுள்ளது.

தமது மைதானத்தில் இன்று அதிகாலை நடைபெற்ற டொட்டென்ஹாம் ஹொட்ஸ்பர்ஸுடனான மேலதிக நேரத்துக்குச் சென்ற ஐந்தாவது சுற்றுப் போட்டியில் 5-4 என்ற கோல் கணக்கில் வென்றே காலிறுதிப் போட்டிக்கு எவெர்ற்றன் தகுதிபெற்றது.

எவெர்ற்றன் சார்பாக, றிச்சர்ல்ஸன் இரண்டு கோல்களையும், டொமினிச் கல்வேர்ட்-லூயின், ஜைல்பி சிகோர்ட்ஸன், பேர்னார்ட் ஆகியோர் தலா ஒவ்வொரு கோலையும் பெற்றனர். டொட்டென்ஹாம் சார்பாக, டேவின்சன் சந்தேஸ் இரண்டு கோல்களையும், எரில் லமெலா, ஹரி கேன் ஆகியோர் தலா ஒவ்வொரு கோலையும் பெற்றனர்.