டோக்கியோ 2020: கால்பந்தாட்டத்தில் வெளியேற்றப்பட்ட ஜேர்மனி

ஜப்பானில் நடைபெற்றுவரும் டோக்கியோ 2020 ஒலிம்பிக் போட்டிகளின் ஆண்களுக்கான கால்பந்தாட்டத்திலிருந்து குழுநிலைப் போட்டிகளுடனேயே கடந்த ஒலிம்பிக்கில் வெள்ளிப் பதக்கம் வென்ற ஜேர்மனி வெளியேற்றப்பட்டுள்ளது.

ஐவரிகோஸ்டுடனான நேற்று நடைபெற்ற குழு டி போட்டியை 1-1 என்ற கோல் கணக்கில் சமப்படுத்தியதையடுத்து குழுவில் மூன்றாமிடத்தைப் பெற்றதைத் தொடர்ந்தே குழுநிலைப் போட்டிகளுடன் ஜேர்மனி வெளியேறியுள்ளது.

இந்நிலையில், இதே குழுவில் இடம்பெற்றிருந்த கடந்த முறை தங்கப் பதக்கம் வென்றிருந்த பிரேஸில், சவுதி அரேபியாவுடனான போட்டியில் 3-1 என்ற கோல் கணக்கில் வென்று குழுவில் முதலிடம் பெற்று காலிறுதிப் போட்டிக்குத் தகுதி பெற்றுள்ளது.