தென்னாபிரிக்காவை வீழ்த்துமா மேற்கிந்தியத் தீவுகள்?

மேற்கிந்தியத் தீவுகள், தென்னாபிரிக்க அணிகளுக்கு இடையிலான இரண்டாவது டெஸ்டானது, சென். லூசியாவில் இலங்கை நேரப்படி நாளை இரவு 7.30 மணிக்கு ஆரம்பமாகவுள்ளது.

இரண்டு அணிகளுக்கும் இடையிலான இரண்டு போட்டிகள் கொண்ட டெஸ்ட் தொடரில் முதலாவது போட்டியில் இனிங்ஸால் மேற்கிந்தியத் தீவுகள் தோல்வியடைந்த நிலையில் இத்தொடரைச் சமப்படுவதற்கு மேற்கிந்தியத் தீவுகள் பல படிகள் முன்னேற வேண்டியுள்ளது.

குறிப்பாக துடுப்பாட்டத்தில் மேற்கிந்தியத் தீவுகள் பாரியளவு முன்னேற்றத்தைக் காண்பிக்க வேண்டியுள்ளது. அதிலும் அணித்தலைவர் கிறேய்க் பிறத்வெய்ட் தனது துடுப்பாட்டத்தில் அதிகம் கவனஞ் செலுத்த வேண்டியுள்ளது.