’நீண்ட ஒப்பந்தத்தில் நெய்மர் கைச்சாத்திட விரும்புகிறார்’

நடப்புப் பருவகாலத்தைத் தாண்டி பிரேஸிலியக் கால்பந்தாட்டக் கழகமான சன்டோஸில் முன்களவீரரான நெய்மர் தொடர விரும்புவதாக அவரது தந்தையும் முகவருமான நெய்மர் டா சில்வா சன்டோஸ் சீனியர் தெரிவித்துள்ளார்.

கடந்த ஜனவரி 31ஆம் திகதி சன்டோஸில் இணைந்த 33 வயதான நெய்மர், எதிர்வரும் ஜூன் மாதம் வரையில் ஒப்பந்தமொன்றைக் கைச்சாத்திட்டுள்ளார்.

இதுவரையில் சன்டோஸுக்காக ஒரு முழுப் போட்டியையும் ஆடியிருக்காத நெய்மர், எதிர்காலத்தை விட நிகழ்காலம் குறித்து சிந்திப்பதாகக் கூறியுள்ளார்.

இதேவேளை 2026ஆம் ஆண்டு உலகக் கிண்ணத் தொடர் வரையாவது கழகத்தில் நெய்மர் இருப்பாரென நம்புவதாக சன்டோஸின் தலைவர் மார்செலோ டெய்ஸ்கெய்ரா தெரிவித்துள்ளார்.