பாகிஸ்தானுக்கெதிரான தொடரைக் கைப்பற்றியது அவுஸ்திரேலியா

பாகிஸ்தான், அவுஸ்திரேலிய அணிகளுக்கு இடையிலான ஐந்து போட்டிகள் கொண்ட ஒருநாள் சர்வதேசப் போட்டித் தொடரை அவுஸ்திரேலியா கைப்பற்றியுள்ளது.

இத்தொடரின் முதலிரண்டு போட்டிகளிலும் வென்றிருந்த அவுஸ்திரேலியா, ஐக்கிய அரபு அமீரகத்தின் அபு தாபியில் நேற்று  இடம்பெற்ற மூன்றாவது போட்டியையும் வென்றதைத் தொடர்ந்தே, இன்னும் இரண்டு போட்டிகள் மீதமிருக்கையிலேயே 3-0 என்ற அசைக்க முடியாத முன்னிலையைப் பெற்றுள்ளது.

ஸ்கோர் விவரம்:

நாணயச் சுழற்சி: அவுஸ்திரேலியா

அவுஸ்திரேலியா: 266/6 (50 ஓவ. ) (துடுப்பாட்டம்: ஆரோன் பின்ஞ் 90 (136), கிளென் மக்ஸ்வெல் 71 (55), பீற்றர் ஹன்ட்ஸ்கொம்ப் 47 (43) ஓட்டங்கள். பந்துவீச்சு: இமாட் வசீம் 1/34 [10], உஸ்மான் ஷின்வாரி 1/37 [9], யசீர் ஷா 1/47 [10])

பாகிஸ்தான்: 186/10 (44.4 ஓவ. ) (துடுப்பாட்டம்: இமாம்-உல்-ஹக் 46 (72), இமாட் வசீம் 43 (53), உமர் அக்மல் 36 (46), ஷொய்ப் மலிக் 31 (50) ஓட்டங்கள். பந்துவீச்சு: அடம் ஸாம்பா 4/43 [9.4], பற் கமின்ஸ் 3/23 [8], கிளென் மக்ஸ்வெல் 1/21 [5], நேதன் லையன் 1/48 [10])

போட்டியின் நாயகன்: பற் கமின்ஸ்