முதலாமிடத்துக்கு முன்னேறிய ராசா

சர்வதேச கிரிக்கெட் சபையின் இருபதுக்கு – 20 சர்வதேசப் போட்டிகளுக்கான சகலதுறைவீரர்களுக்கான தரவரிசையில் முதலாமிடத்துக்கு சிம்பாப்வேயின் சிகண்டர் ராசா முன்னேறியுள்ளார்.

இருபதுக்கு – 20 உலகக் கிண்ணத் தொடரில், ஓமானுக்கெதிரான குழுநிலைப் போட்டியில் ஒரு விக்கெட்டைக் கைப்பற்றியமையைத் தொடர்ந்தே இரண்டாமிடத்திலிருந்து ஓரிடம் முன்னேறி முதலாமிடத்தை ராசா அடைந்துள்ளார்.

முதல் ஐந்து சகலதுறைவீரர்களின் தரவரிசை பின்வருமாறு,

1. சிகண்டர் ராசா, 2. சைம் அயூப், 3. ஹர்திக் பாண்டியா, 4. றொஸ்டன் சேஸ், 5. மொஹமட் நவாஸ்.

இதேவேளை உலகக் கிண்ணத் தொடரில் நெதர்லாந்துக்கெதிராக 47, ஐக்கிய அமெரிக்காவுக்கெதிராக 73 ஓட்டங்களைப் பெற்ற பாகிஸ்தானின் சஹிப்ஸடா பர்ஹான், துடுப்பாட்டவீரர்களுக்கான தரவரிசையில் ஏழாமிடத்திலிருந்து நான்கு இடங்கள் முன்னேறி மூன்றாமிடத்தையடைந்துள்ளார்.

இந்நிலையில் உலகக் கிண்ணத்தில் ஆப்கானிஸ்தானுக்கெதிராக 65, ஐக்கிய அரபு அமீரகத்துக்கெதிராக 89 ஓட்டங்களைப் பெற்ற நியூசிலாந்தின் டிம் செய்ஃபேர்ட், ஒன்பதாமிடத்திலிருந்து ஓரிடம் முன்னேறி எட்டாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. அபிஷேக் ஷர்மா, 2. பில் ஸோல்ட், 3. சஹிப்ஸடா பர்ஹான், 4. ஜொஸ் பட்லர், 5. திலக் வர்மா, 6. பதும் நிஸங்க, சூரியகுமார் யாதவ், 8. டிம் செய்ஃபேர்ட், 9. ட்ரெவிஸ் ஹெட், 10. மிற்செல் மாஷ்.

இதுதவிர அயர்லாந்துக்கெதிரான உலகக் கிண்ணப் போட்டியில் 3 விக்கெட்டுகளைக் கைப்பற்றிய இலங்கையின் வனிது ஹசரங்க, பந்துவீச்சாளர்களுக்கான தரவரிசையில் ஆறாமிடத்திலிருந்து ஓரிடம் முன்னேறி ஐந்தாமிடத்தையடைந்துள்ளார்.

இந்நிலையில் நியூசிலாந்துக்கெதிரான உலகக் கிண்ணப் போட்டியில் 2 விக்கெட்டுகளைக் கைப்பற்றிய ஆப்கானிஸ்தானின் முஜீப் உர் ரஹ்மான், 10ஆம் இடத்திலிருந்து ஓரிடம் முன்னேறி ஒன்பதாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. வருண் சக்கரவர்த்தி, 2. அப்ரார் அஹ்மட், 3. ரஷீட் கான், 4. அடில் ரஷீட், 5. வனிது ஹசரங்க, 6. ஜேக்கப் டஃபி, 7. மொஹமட் நவாஸ், 8. முஸ்தபிசூர் ரஹ்மான், 9. அடம் ஸாம்பா, முஜீப் உர் ரஹ்மான்