மிலனை வென்ற லேஸியோ

இத்தாலியக் கால்பந்தாட்டக் கழகங்களுக்கிடையிலான சீரி ஏ தொடரில், ஏ.சி மிலனின் மைதானத்தில் திங்கட்கிழமை (03) அதிகாலை நடைபெற்ற அவ்வணியுடனான போட்டியில் 2-1 என்ற கோல் கணக்கில் லேஸியோ வென்றது.

லேஸியோ சார்பாக மட்டியா ஸக்கக்னி, பெட்ரோ ஆகியோர் தலா ஒவ்வொரு கோலைப் பெற்றதோடு, மிலன் சார்பாகப் பெறப்பட்ட கோலை சாமுவேல் சுக்வுஸே பெற்றிருந்தார்.

சீரி ஏ புள்ளிகள் பட்டியலில் 58 புள்ளிகளுடன் முதலாமிடத்தில் நடப்புச் சம்பியன்களான இன்டர் மிலன் காணப்படுகின்றது. 57 புள்ளிகளுடன் இரண்டாமிடத்தில் நாப்போலியும், 55 புள்ளிகளுடன் மூன்றாமிடத்தில் அத்லாண்டாவும், 50 புள்ளிகளுடன் நான்காமிடத்தில் லேஸியோ காணப்படுகின்றது.