முகாமையாளர் நுனோவை நீக்கிய டொட்டென்ஹாம்

இங்கிலாந்து பிறீமியர் லீக் கால்பந்தாட்டக் கழகமான டொட்டென்ஹாம் ஹொட்ஸ்பர், தமது முகாமையாளரான நுனோ எஸ்பிறிட்டோ சன்டோவை நான்கு மாதங்களில் நீக்கியுள்ளது.

கடந்த ஏழு லீக் போட்டிகளில் ஐந்தில் டொட்டென்ஹாம் தோற்றமையையடுத்தே நுனோ நீக்கப்பட்டுள்ளார்.

புள்ளிகள் பட்டியலில் எட்டாவதாக டொட்டென்ஹாம் காணப்படுகிறது.

இவ்வாண்டு ஜூன் மாதத்தில் இரண்டாண்டு ஒப்பந்தத்தில் நுனோ நியமிக்கப்பட்டிருந்தார்.

இந்நிலையில், நுனோவை இத்தாலிய சீரி ஏ கழகமான இன்டர் மிலனின் முன்னாள் முகாமையாளர் அன்டோனியோ கொன்டே பிரதியிடுவார் என எதிர்பார்க்கப்படுகிறது.