மூன்றாமிடத்துக்கு முன்னேறினார் புஜாரா

சர்வதேச கிரிக்கெட் சபையின் டெஸ்ட் போட்டிகளுக்கான துடுப்பாட்டவீரர்களுக்கான தரவரிசையில் மூன்றாமிடத்துக்கு இந்தியாவின் செட்டேஸ்வர் புஜாரா முன்னேறினார்.

நான்காமிடத்தில் முன்னர் காணப்பட்ட புஜாரா, அவுஸ்திரேலியாவுக்கெதிரான நான்காவது டெஸ்டில் 193 ஓட்டங்களைப் பெற்றமையைத் தொடர்ந்தே ஓரிடம் முன்னேறி மூன்றாமிடத்தையடைந்துள்ளார்.

இதேவேளை, முதல் 10 துடுப்பாட்டவீரர்களுக்கான தரவரிசையில் இடம்பெற்ற மற்றைய மாற்றமாக, பாகிஸ்தானுக்கெதிரான இரண்டாவது டெஸ்டில் 78 ஓட்டங்களைப் பெற்ற தென்னாபிரிக்காவின் ஏய்டன் மர்க்ரம் ஏழிடங்கள் முன்னேறி பத்தாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. விராத் கோலி, 2. கேன் வில்லியம்சன், 3. செட்டேஸ்வர் புஜாரா, 4. ஸ்டீவ் ஸ்மித், 5. ஜோ றூட், 6. டேவிட் வோணர், 7. ஹென்றி நிக்கொல்ஸ், 8. டீன் எல்கர், 9. திமுத் கருணாரத்ன, 10. ஏய்டன் மர்க்ரம்.

இதேவேளை, முதல் 10 பந்துவீச்சாளர்களின் தரவரிசையில், பாகிஸ்தானுக்கெதிரான இரண்டாவது டெஸ்டில் இரண்டு விக்கெட்டுகளைக் கைப்பற்றிய தென்னாபிரிக்காவின் வேர்ணன் பிலாந்தர், நான்காமிடத்திலிருந்து ஓரிடம் முன்னேறி மூன்றாமிடத்தையடைந்துள்ளார். இதுதவிர, ஆறாமிடத்திலிருந்த இரவீந்திர ஜடேஜா, அவுஸ்திரேலியாவுக்கெதிரான நான்காவது டெஸ்டில் இரண்டு விக்கெட்டுகளைக் கைப்பற்றியதைத் தொடர்ந்து ஓரிடம் முன்னேறி ஐந்தாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. கஜிஸோ றபாடா, 2. ஜேம்ஸ் அன்டர்சன், 3. வேர்ணன் பிலாந்தர், பற் கமின்ஸ், 5. இரவீந்திர ஜடேஜா, 6. மொஹமட் அப்பாஸ், 7. ட்ரெண்ட் போல்ட், 8. டிம் செளதி, 9. இரவிச்சந்திரன் அஷ்வின், 10. ஜேசன் ஹோல்டர்.