மே. தீவுகளுக்கான சுற்றுப்பயணத்தை தவற விடும் லபுஷைன்

அடுத்த மாதம் ஆரம்பமாகவுள்ள அவுஸ்திரேலியாவின் மட்டுப்படுத்தப்பட்ட ஓவர்கள் கொண்ட போட்டிகளைக் கொண்ட மேற்கிந்தியத் தீவுகளுக்கான சுற்றுப்பயணத்தை மர்னுஷ் லபுஷைன் தவறவிடுகின்றார்.

தற்போது இங்கிலாந்தில் கிளார்மோகன் கவுண்டிக்காக விளையாடி வரும் லபுஷைன், கொவிட்-19 பரவல் காரணமாக பயணக் கட்டுப்பாடுகள் காரணமாகவே குறித்த சுற்றுப்பயணத்தைத் தவற விடுகின்றார்.

இந்நிலையில், தனிப்பட்ட, உளநலன் காரணமாக தன்னைக் கருத்திற் கொள்ள வேண்டாமென டேனியல் சாம்ஸ் தெரிவித்த நிலையில், தெரிவாகிய ஆரம்ப கட்ட குழாம் பின்வருமாறு,

குழாம்: ஆரோன் பின்ஞ் (அணித்தலைவர்), டேவிட் வோணர், டார்சி ஷோர்ட், ஸ்டீவன் ஸ்மித், ஜொஷ் பிலிப், அலெக்ஸ் காரி, மத்தியூ வேட், கிளென் மக்ஸ்வெல், மார்க்கஸ் ஸ்டொய்னிஸ், மொய்ஸன் ஹென்றிக்கஸ், மிற்செல் மார்ஷ், அஸ்தன் அகர், அடம் ஸாம்பா, மிற்செல் ஸ்வப்ஸன், தன்வீர் சங்ஹா, பற் கமின்ஸ், மிற்செல் ஸ்டார்க், ஜேஸன் பெஹ்ரென்டோர்ஃப், ஜொஷ் ஹேசில்வூட், றிலே மெரெடித், ஜஹை றிச்சர்ட்ஸன், கேன் றிச்சர்ட்ஸன், அன்றூ டை.