லெகனிஸுக்கெதிராக முன்னிலையில் றியல் மட்ரிட்

ஸ்பானிய கால்பந்தாட்டக் கழகங்களுக்கிடையிலான விலகல் முறையிலான கோப்பா டெல் ரே தொடரில், லெகனிஸுக்கெதிரான இறுதி 16 அணிகளுக்கான சுற்றுப் போட்டியில் றியல் மட்ரிட் முன்னிலை பெற்றது.

தமது மைதானத்தில் இலங்கை நேரப்படி இன்று அதிகாலை நடைபெற்ற குறித்த சுற்றின் முதலாவது சுற்றுப் போட்டியில் 3-0 என்ற கோல் கணக்கில் வென்றதன் மூலமே குறித்த சுற்றில் றியல் மட்ரிட் முன்னிலை பெற்றது. றியல் மட்ரிட் சார்பாக, சேர்ஜியோ றாமோஸ், லூகாஸ் வஸ்கூஸ், வின்சியஸ் ஜுனியர் ஆகியோர் தலா ஒவ்வொரு கோலைப் பெற்றனர்.