ஷெஃபீல்ட் யுனைட்டெட்டிடம் தோற்ற எவெர்ற்றன்

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், எவெர்ற்றனின் மைதானத்தில் நேற்றிரவு நடைபெற்ற அவ்வணிக்கும், ஷெஃபீல்ட் யுனைட்டெட்டுக்குமிடையிலான போட்டியில், 0-1 என்ற கோல் கணக்கில் எவெர்ற்றன் தோல்வியடைந்திருந்தது.

ஷெஃபீல்ட் சார்பாகப் பெறப்பட்ட கோலை டானியல் ஜெப்பிஸன் பெற்றிருந்தார்.

அந்தவகையில், பிறீமியர் லீக் புள்ளிகள் பட்டியலில், சம்பியனான மன்செஸ்டர் சிற்றி 83 புள்ளிகளுடன் முதலாமிடத்தில் காணப்படுகின்றது. 70 புள்ளிகளுடன் இரண்டாமிடத்தில் மன்செஸ்டர் யுனைட்டெட்டும், 66 புள்ளிகளுடன் மூன்றாமிடத்தில் லெய்செஸ்டர் சிற்றியும், 64 புள்ளிகளுடன் நான்காமிடத்தில் செல்சியும் காணப்படுகின்றது.