2017ஆம் ஆண்டு ஜேர்மனியில் ஆரம்பிக்கிறது டுவர் டி பிரான்ஸ்

2017ஆம் ஆண்டு இடம்பெறவுள்ள டுவர் டி பிரான்ஸ் சைக்கிளோட்டப் போட்டியை நடாத்துவதற்கு, ஜேர்மனியின் டஸெல்டோர்ப் நகரம் தெரிவுசெய்யப்பட்டுள்ளதாக அறிவிக்கப்பட்டுள்ளது.

இந்தத் தொடரை நடாத்துவதற்கான வாய்ப்பை, இலண்டன் நிராகரித்ததைத் தொடர்ந்தே, ஜேர்மனுக்கு இவ்வாய்ப்பு வழங்கப்பட்டுள்ளது. தொடரை நடாத்துவதற்கு, 35 மில்லியன் ஸ்டேர்லிங் பவுண்ட்ஸ் செலவாகுமென மதிப்பிடப்படும் நிலையிலேயே, இவ்வாய்ப்பை, இலண்டன் நிராகரித்திருந்தது.

104ஆவது தடவையாக இடம்பெறவுள்ள இத்தொடரின் முழுமையான விவரங்கள், அடுத்தாண்டு ஜனவரி 14ஆம் திகதி வெளியிடப்படுமென, அறிவிக்கப்படுகிறது.

அடுத்தாண்டு இடம்பெறவுள்ள போட்டிகள், பிரான்ஸிலேயே இடம்பெறவுள்ளமை குறிப்பிடத்தக்கது.