தலையில் பந்து தாக்கிய நடுவர் ஆபத்தின்றித் தப்பினார்

அவுஸ்திரேலியாவைச் சேர்ந்த நடுவரான ஜோன் வார்ட், கிரிக்கெட் போட்டியொன்றின் மத்தியஸ்தம் வகித்துக் கொண்டிருந்தபோது தலையில் தாக்கப்பட்டதோடு, அவருக்கு ஆபத்துக்கள் எவையுமின்லை அறிவிக்கப்படுகிறது.

இந்தியாவின் ரஞ்சி கிண்ணப் போட்டியில், பஞ்சாப் அணிக்கும் தமிழ்நாடு அணிக்குமிடையிலான போட்டியிலேயே ஜோன் வார்ட், தலையில் தாக்கப்பட்டார்.
தமிழ்நாடு அணியின் டி.டி. சந்திரசேகர் வீசிய பந்தை பஞ்சாப் அணியின் பிரென்டெர் ஸ்ரான் அடித்தபோதே, நடுவரின் தலையில் பந்து பட்டுள்ளது.

உடனடியாக நிலத்தில் வீழ்ந்த நடுவர், அருகிலிருந்த வைத்தியசாலையொன்றுக்குக் கொண்டு செல்லப்பட்டதோடு, பின்னர், பிரபல தனியார் வைத்தியசாலையொன்றுக்குக் கொண்டு செல்லப்பட்டார். மேற்கொள்ளப்பட்ட ஸ்கான் பரிசோதனைகளில், அவருக்கு ஆபத்துகள் எவையுமில்லையெனவும், சில நாட்கள் ஓய்வெடுக்குமாறும் அறிவுறுத்தப்பட்டுள்ளது.