4 வாரங்களுக்கு மோர்தஸா இல்லை

பங்களாதேஷ் அணியின் மட்டுப்படுத்தப்பட்ட ஓவர்கள் கொண்ட அணிகளுக்கான தலைவர் மஷ்ரபி மோர்தஸாவுக்கு, பெருவிரல் முறிவு ஏற்பட்டுள்ளதாக உறுதிப்படுத்தப்பட்டுள்ளது. எனவே அவர், 4 தொடக்கம் 6 வாரங்களுக்குப் போட்டிகளில் பங்குபற்ற மாட்டார் என அறிவிக்கப்படுகிறது.

நியூசிலாந்து அணிக்கெதிரான 3ஆவது இருபதுக்கு-20 சர்வதேசப் போட்டியின் போதே, மோர்தஸாவுக்குக் காயம் ஏற்பட்டிருந்தது. அதைத் தொடர்ந்து எக்ஸ் கதிர் பரிசோதனை மேற்கொள்ளப்பட்டது. அதில், அவருக்கு முறிவு ஏற்பட்டுள்ளமை கண்டுபிடிக்கப்பட்டுள்ளது.

நியூசிலாந்துத் தொடரில், ஒருநாள் சர்வதேசப் போட்டிகள், இருபதுக்கு-20 சர்வதேசப் போட்டிகள் இரண்டிலும், பங்களாதேஷ் அணி 0-3 என்ற கணக்கில் தோல்வியடைந்திருந்தமை குறிப்பிடத்தக்கது.