இலங்கை, பாகிஸ்தான் இறுதிப் போட்டி நாளை

இலங்கை, பாகிஸ்தான் அணிகளுக்கிடையிலான ஒரு நாள்ப் போட்டித் தொடரின் இறுதிப் போட்டி நாளை நடைபெறவுள்ளது. தம்புள்ள, ரங்கிரி கிரிக்கெட் மைதானத்தில் இந்தப் போட்டி நடைபெறவுள்ளது. மூன்று போட்டிகள் அடங்கிய தொடரில் இரு அணிகளும் தலா ஒவ்வொரு போட்டிகளில் வெற்றி பெற்று தொடரை சமநிலையில் வைத்துள்ளன. இதனால் நாளைய போட்டி விறு விறுப்பை தரும் என நம்பப்படுகின்றது. 

 

தம்புள்ள, ரங்கிரி கிரிக்கெட் மைதானத்தில் இலங்கை அணி 34 போட்டிகளில் விளையாடி 24 போட்டிகளில் வெற்றி பெற்றுள்ளது. 9 போட்டிகளில் தோல்வியடைந்துள்ள அதேவேளை ஒரு போட்டி கைவிடப்பட்டுள்ளது. இலங்கை , பாகிஸ்தான் அணிகளுக்கிடையில் தம்புள்ள, ரங்கிரி கிரிக்கெட் மைதானத்தில் நடைபெற்றுள்ள 6 போட்டிகளில் 5 போட்டிகளில் இலங்கை அணியும், ஒரு போட்டியில் பாகிஸ்தான் அணியும் வென்றுள்ளன.