பிரதி செய்யப்பட்டதா ஒலிம்பிக் இலட்சினை?

பெல்ஜியத்தைச் சேர்ந்த ஒலிவியர் டேபி என்ற வடிவமைப்பாளர், லியாகே திரையரங்குக்கு தான் வடிவமைத்த இலட்சினையைப் போன்று காணப்படுவதாகக் குற்றஞ்சாட்டியிருந்தார்.

எனினும், டோக்கியோ ஒலிம்பிக்குக்கான இலட்சினையை வடிவமைத்த கென்ஜிரோ சானோ, இந்த இலட்சினையானது தனது வாழ்வின் மிகச்சிறந்த வடிவமைப்பு எனவும், எந்த இலட்சினையையும் உதாரணமாகக் கொண்டு அதை வடிவமைத்திருக்கவில்லை எனவும் தெரிவித்துள்ளார்.

“என்னுடைய ஒவ்வொரு வடிவமைப்புடனும் நான் நிறைய நேரத்தைச் செலவிடுகிறேன். அவற்றை சிறுவர்களை வளர்ப்பது போல் வளர்க்கிறேன். ஆகவே, இவ்வாறான வகையிலான கதை வெளிவந்தமை மிகவும் துரதிஷ்டவசமானது என்பதுடன், கவலையானதும் கூட” எனத் தெரிவித்தார்.

இது தொடர்பான உத்தியோகபூர்வத் தகவலை ஒலிவியர் டேவி, டோக்கியோ 2020 ஏற்பாட்டாளர்களுக்கு அனுப்பி வைத்துள்ளதோடு, அதைப் பெற்றுக் கொண்டதை அவர்கள் உறுதிப்படுத்தியுள்ளனர்.

அத்தோடு, அவரது இலட்சினையானது காப்புரிமைக்கு உட்படுத்தப்படவில்லை என்பதால், பிரச்சினைகள் எவையும் கிடையாது எனவும் அவர்கள் தெரிவிக்கின்றனர்.