கஞ்சா பக்கெட்டுகளுடன் இளைஞன் கைது

கஞ்சா பக்கெட்டுகளுடன் இளைஞன் கைது

ரீ.எல்.ஜவ்பர்கான்

மட்டக்களப்பு தலைமையக பொலிஸ் பிரிவுக்குட்பட்ட கருவப்பங்கேணியில் கேரளா கஞ்சா பக்கெட்டுகளுடன் இளைஞர் ஒருவர் கைது செய்யப்பட்டுள்ளார் என மாவட்ட குற்ற விசாரணைப் பிரிவு பொறுப்பதிகாரி ஐ.பி.பண்டார தெரிவித்தார்.

மட்டக்களப்பு மாவட்ட சிரேஷ்ட பொலிஸ் அத்தியட்சகர் சுதத் மாசிங்கவின் பணிப்புரையின் கீழ், மாவட்ட குற்ற விசாரணைப் பிரிவு பொறுப்பதிகாரி தலைமையிலான பொலிஸ் குழுவினர், நேற்று (15) மாலை மேற்படி இளைஞனைக் கைதுசெய்துள்ளனர்.

இதன்போது, இளைஞனிடமிருந்து 58கேரளா கஞ்சா பக்கெட்டுகளும் 2,350 ரூபாய் பணமும் அலைபேசியொன்றும் கைப்பற்றப்பட்டதாக பொலிஸார் தெரிவித்தனர்.