காட்டுயானைகளால் தென்னைகள் துவம்சம்

ஏ.எச்.ஏ. ஹுஸைன், வ.சக்தி

மட்டக்களப்பு - வவுணதீவு பிரதேசத்திலுள்ள  நெடியமடு, களிக்குளம்  பகுதியில்  நேற்று (27) உட்புகுந்த காட்டுயானைகள்,  அங்குள்ள தென்னை மரங்களை அழித்துத் துவம்சம் செய்துள்ளன.

இப் பிரதேசத்தில் கடந்த ஓரிரு வாரங்களாக காட்டுயானைகளின் அட்டகாசம் அதிகரித்துள்ளதாகவும், மாலை 6 மணிக்கெல்லாம் காட்டோரங்களில் யானைகள் நடமாடுவதாகவும் கிராம மக்கள் தெரிவிக்கின்றனர்.

இதனை கவனத்தில் எடுத்து, காட்டுயானைகளை காடுகளுக்குள் விரட்டியடித்து, தமக்கு பாதுகாப்பை வழங்குமாறும், மக்கள் வேண்டுகோள் விடுக்கின்றனர்.