விபத்தில் நால்வர் காயம்

-எஸ்.பாக்கியநாதன்,வா.கிருஸ்ணா

மட்டக்களப்பு, மகிழடித்தீவு பிரதான வீதியில்  செவ்வாய்க்கிழமை இரவு (24) முச்சக்கரவண்டியும் 02 மோட்டார் சைக்கிள்களும் மோதியதில்  காயமடைந்த 04 பேர் வைத்தியசாலையில் அனுமதிக்கப்பட்டதாக பொலிஸார் தெரிவித்தனர்.  

மோட்டார் சைக்கிளொன்று கனரக வாகனத்தை முந்திச்  செல்வதற்கு முற்பட்டபோது, எதிரே வந்த மோட்டார் சைக்கிளுடன் மோதி பின்னால் வந்த முச்சக்கரவண்டியும் மோதியதினால் இந்த விபத்து சம்பவித்துள்ளது.

காயமடைந்தவர்கள் மகிழடித்தீவு வைத்தியசாலையில் அனுமதிக்கப்பட்டனர். இவர்களில்  இருவர் மேலதிக சிகிச்சைக்காக மட்டக்களப்பு போதனா வைத்தியசாலைக்கு மாற்றப்பட்டுள்ளனர்.

இந்த விபத்து தொடர்பில் பொலிஸார் விசாரணைகளை மேற்கொண்டுள்ளனர்.